కులం కత్తులు (కవితలు ) -బాలాజీ పోతుల

కులం కత్తులు గుండెల్లో దిగబడ్డాయి

ఎంత పీక ప్రయత్నించినా చేతుల్లోకి రాక,

గుండెల్లోనే గుదిబండలై,

పెను భారాన్ని మోస్తున్నాను

న్యాతిరికి కాల్వకు వోతే,

నా కాళ్లల్ల నాగులు తిరిగినయ్

నా మలద్వారం గుండా మలంకి బదులు,

మైల బయటికొచ్చింది

ముట్టుని నా ఎడమ చేత్తో కడిగి,

ఇంత సర్పేసి సల్లవడ్డ

ఎటు చూసినా –

ముళ్ళ కంపలకేసి కుట్టిన ముఖాలన్నీ

తేరగా నన్నే చూస్తున్నాయి

ఏం చేయాలో తోచక,

నా కళ్లు రెండూ పీకేసి,

అక్కడే పాతేసి వచ్చా

-బాలాజీ పోతుల

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

విహంగ మహిళా సాహిత్య పత్రిక (A Monthly Peer-Reviewed Online Telugu Journal)