కష్టం మరిచిపోతున్న తరం (కవిత ) డా. బాలాజీ దీక్షితులు పి.వి

తరాలు తరిగే కొద్దే

ప్రస్తుతమే నిజమని నమ్ముతుంది

నేటి…తరం

నవతరం పెరిగేకొద్ది

తెల్లదొరలు పెట్టిన

బాధలు

భరతమాత 200 సం!!లు

స్వేచ్ఛకోసం పడ్డ పురిటి నొప్పులు

మర్చి పోయింది ఈ…తరం

కాలం కాలిపోతున్న కొద్ది

పాఠాలలోని…చరిత్రకు

మస్థిష్కాలలోని…నిజాలకు

వక్రభాష్యాలు చెపుతుంది…ఈ తరం

తొలినాళ్ళలో వేసిన అడుగులు

తొలి మేథస్సులో…పడిన శ్రమను

మరిచిపోతుంది…ఈ తరం

ఆకలి సమస్యలు

నిరుద్యోగ బాధలు

పేదరికపు గడపలు

ఇంకా ఉన్నాయని…మరిచిపోతుంది

పగలు సోషియల్ మీడియాతో

రాత్రి నిద్రతో గడిపేస్తున్నాం

అందుకే

కష్టం మరిచిపోతున్నాం.

-డా. బాలాజీ దీక్షితులు పి.వి

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

విహంగ మహిళా సాహిత్య పత్రిక (A Monthly Peer-Reviewed Online Telugu Journal)