2025 సంఘటనల వెలుగులో మహిళా సాధికారతకు కొత్త పయనం సాగించాలి.

ప్రపంచవ్యాప్తంగా ప్రతి సంవత్సరం మార్చి 8న జరుపుకునే అంతర్జాతీయ మహిళా దినోత్సవం, మహిళల హక్కులు, సమానత్వం, సాధికారతకు ప్రతీకగా నిలుస్తోంది. 2026 సంవత్సరంలో ఈ దినోత్సవాన్ని ఆచరించేటప్పుడు, 2025లో చోటుచేసుకున్న మహిళా సంబంధిత సంఘటనలు, ఉద్యమాలు, సాధనలను విశ్లేషించడం  ఎంతో అవసరం.

2025 సంవత్సరం మహిళా సాధికారత దిశగా  అనేక మార్పులకు సాక్ష్యమైంది. ప్రపంచంలోని పలు దేశాల్లో మహిళలు రాజకీయ, ఆర్థిక, సామాజిక రంగాల్లో తమ స్థాయిని మరింత బలపరచుకున్నారు. ముఖ్యంగా నాయకత్వ స్థానాల్లో మహిళల సంఖ్య పెరగడం గమనార్హం. సంస్థలలో, ప్రభుత్వాల్లో, విద్యాసంస్థలలో మహిళలకు అధిక ప్రాధాన్యం ఇవ్వడం ప్రారంభమైంది.

అయితే, అభివృద్ధి పథంలో ఉన్నప్పటికీ, మహిళలు ఎదుర్కొంటున్న సమస్యలు నేటికి ఉన్నాయి . లింగ వివక్ష, వేతన అసమానతలు, గృహ హింస, ఆన్‌లైన్ వేధింపులు వంటి సమస్యలు 2025లో కూడా పలు చోట్ల వెలుగుచూశాయి. ఈ సంఘటనలు సమాజాన్ని మళ్లీ ఆలోచింపజేశాయి. మహిళల భద్రత, గౌరవం, సమాన హక్కుల కోసం మరింత కట్టుదిట్టమైన చట్టాలు, అవగాహన కార్యక్రమాలు అవసరమని స్పష్టం చేశాయి.

డిజిటల్ యుగంలో మహిళల పాత్ర విశేషంగా పెరిగింది. 2025లో  టెక్నాలజీ రంగంలో మహిళల ప్రవేశం పెరిగింది. ఆన్‌లైన్ వ్యాపారాలు, పరిశోధన రంగాలలో మహిళలు విశేష ప్రతిభ కనబర్చారు. ఇది 2026లో మరింత విస్తరించే సూచనలు కనిపిస్తున్నాయి. డిజిటల్ సాధికారత మహిళల ఆర్థిక స్వావలంబనకు దోహదం చేస్తోంది. సామాజిక మాధ్యమాలు ఈ అంశాలను ప్రపంచానికి తెలియజేయడంలో కీలక పాత్ర పోషించాయి. ఫలితంగా బాధితులకు మద్దతు పెరిగింది, న్యాయం కోసం పోరాటం బలపడింది.

మహిళల సాధికారత కేవలం ఒక దినోత్సవం వరకు పరిమితం కాకుండా, ప్రతి రోజూ ఆచరణలో ఉండాలి. కుటుంబం నుండి సమాజం వరకు, విద్య నుండి ఉపాధి వరకు ప్రతి స్థాయిలో మహిళలకు సమాన అవకాశాలు కల్పించాలి.

మహిళలు అభివృద్ధి చెందితే సమాజం అభివృద్ధి చెందుతుంది. ఈ భావనతోనే ప్రతి వ్యక్తి తన వంతు పాత్ర పోషించాలి. అది ముఖ్యంగా కుటుంబ నుంచే మొదలవ్వాలి అనేది ఎవరు కాదనలేని వాస్తవం.

-అరసి శ్రీ 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~